U scopu di Mare è Monti Conseil hè d’accumpagnà l’attori di u turismu è di a cultura in Corsica pè creà, sviluppà è prumove a s’attività.

A nostr’offerta di cunsigliu tocc’à temi diversi (turismu sustenibile, cultura corsa, agriturismu, lingua nustrale) pè travaglià cù voi à l’eleborazione di prudutti è servizi nuvatrici, nati da un studiu precisu di i clienti, di a vostra struttura, di l’ambiante economicu è suciale.

Esiste un’infinità di prudutti turistichi da creà pè fà cresce a vostra attività. Allora pigliemu tutta l’infurmazione pussibile è studiamu cù precizione ogni aspettu di u vostru prugettu pè dalli a singolarità, l’efficienza, l’intelligenza richiesta pè fà a sferenza.

Mare è Monti Conseil hè affianc’à voi, da a rifelssione sin’à a nascita di u pruduttu nant’à u mercatu, cù impegnu è cù serietà.

In muntagna cume pè ‘sse piaghje, pè un alloghju, un’attività, una promozione patrimoniale : esiste in ogni casu qualcosa da sviluppà.