Prugetti in ambiente rurale

Avemu a ruralità in lu core. Mare è Monti Conseil hè precisamente installata in muntagna, ind’è a Castagniccia (paese di Felce, Alisgiani).

Simu noi dinù sensibili à l’idee chì volenu fà campà è fà cresce i picculi paesi, i sapè fà muntagnoli ; i prugetti chì rendenu ghjustizia à quelli chì stanu lottendu pè a vita di sti lochi nascosti.

Avemu cusì scletu di prupone s’attività di cunsigliu appena fora di l’unica quistione turistica. Simu pronti pè studià, pianificà e sustene a riflessione nant’à ogni tippu di prugettu giratu versu a ruralità, sia pè una merria che un associu o un prugettu d’impresa.

Esempi d’azzione

  • Studià e pussibilità di sviluppà u travagliu à distanza ind’è u vostru paese (strumenti di travagliu collaborativu in linea, offerte internet, viabilità generale di u prugettu)
  • Analisi di fattibilità per a creazione di un cumerciu o un’attività di servizi in zona rurale/muntagnola.
  • Sviluppu culturale è turisticu.

Cuntattaci

Simu affianc'à vostri prugetti pè custruili è sviluppali. Cuntattateci pè presentaci e vostre aspettanze.