A nostra offerta di cunsigliu hè girata versu tutti in Corsica, per ogni tippu di clienti miratu da a vostra struttura. Pudemu quantunque prupone un cunsigliu specificu se vo circate di creà/sviluppà un’attività girata versu i clienti taliani.

Primu paese stranieru in termeni di turisti mandati in Corsica, l’Italia hè dunque un incredibile cullaburatore pè quellu chì vole sviluppà un’offerta novatrice è sustenibile. C’è forse a vicinanza geugrafica chì aiuta, ma ancu (è sopratuttu) l’intercomprensione trà e lingue corse è taliane, a storia in cumune, e tradizione spartite.

U fundadore di Mare è Monti Conseil, Guillaume Bereni, hè investitu da parchji anni ind’è i rapporti tra Corsica è Italia, in particulare cù a so particepazione pè u situ d’attualità è di cultura Corsica Oggi. Cunnuscimu dunque assai bè l’Italia è i taliani, è pudemu esse un veru sustegnu pè i vostri prugetti girati versu i turisti di a penisula.

Esempi d’azzione

• Creazione di un’offerta culturale pè i turisti taliani, appughjendusi nant’à i legami linguistichi è storichi.
• Mare è Monti Conseil pò esse u vostru intermediariu di cuntattu cù l’Italia.